Pse Trump po shkarkon ambasadorë në masë në të gjithë botën?

Administrata e Presidentit të SHBA-së Donald Trump po shkarkon 30 diplomatë karriere nga pozicionet ambasadoriale dhe të tjera në ambasada.

Kjo po ndodh si pjesë e një përpjekjeje për të riformësuar misionet diplomatike amerikane dhe për të emëruar staf që shihet si mbështetës i plotë i prioriteteve të Trump-it të mishëruara në mesazhin “Amerika e Para”.

Kryetarët e misioneve në të paktën 29 vende u njoftuan javën e kaluar se detyrat e tyre përfundojnë në janar, thanë dy zyrtarë të Departamentit të Shtetit që nuk donin të identifikoheshin.

Ata që preken nga ndryshimet nuk i humbasin vendet e tyre të punës në Shërbimin e Jashtëm dhe kthehen në Uashington për detyra të tjera nëse dëshirojnë t’i marrin ato, thanë zyrtarët.

Të gjithë ambasadorët që u shkarkuan morën detyrën gjatë administratës së Presidentit Joe Biden, por mbetën në ato pozicione pas spastrimit fillestar në fillim të mandatit të dytë të Trump-it në janar, kur kryesisht të emëruarit politikë u vunë në shënjestër. Kjo ndryshoi të mërkurën e kaluar kur ata filluan të merrnin njoftime nga Uashingtoni se duhet të largoheshin, raportoi NBC.

Departamenti i Shtetit nuk komentoi për numrin specifik të stafit ose ambasadorëve të prekur, por u njoftua se ky është një proces standard në çdo administratë. Siç u tha, ambasadori është “një përfaqësues personal i presidentit dhe është e drejta e presidentit të sigurojë që ai të ketë individë në këto vende që përparojnë axhendën e tij “Amerika e Para”.

Më e prekura nga ndryshimet është Afrika, ku u shkarkuan ambasadorë nga 13 vende – Burundi, Kameruni, Kepi i Gjelbër, Gaboni, Bregu i Fildishtë, Madagaskari, Mauritiusi, Nigeri, Nigeria, Ruanda, Senegali, Somalia dhe Uganda.

Pastaj vjen Azia, me shkarkime ambasadorësh në gjashtë vende – Fixhi, Laos, Ishujt Marshall, Papua Guinea e Re, Filipine dhe Vietnam.

Në Evropë, kjo ndodhi në Armeni, Maqedoninë e Veriut, Malin e Zi dhe Sllovaki.

Në Lindjen e Mesme, në dy vende – Algjeri dhe Egjipt, si dhe në Azinë Jugore dhe Qendrore – në Nepal dhe Sri Lanka, ndërsa në Hemisferën Perëndimore – në Guatemalë dhe Suriname.

Rasti i pashpjegueshëm me Shqipërinë

Kujtojmë se në Shqipëri nuk ka prej kohësh një ambasador amerikan, duke u dubluar nga i “ngarkuari me punë”. Edhe pse politika amerikanë ka gati një rol përcaktues në politikën shqiptare, deri në diktimin në shumë forma të dëshirës së saj se kush duhet të qeverisë e kush duhet të jetë në opozitë, nuk ka ndodhur që pas rënies së komunizmit që ky “aleati i madh” do mos ketë një ambasador në Tiranë. /tesheshi.com/