Në Shkodër është shënuar një ngjarje që ka ngjallur reagime në rrjetet sociale. Policia Bashkiake ka hequr një tabelë të vendosur në oborrin e xhamisë qendrore, në të cilën ishte shkruar një citat i Profetit Muhamed, që fliste për drejtësinë dhe ndëshkimin e atyre që cenojnë pronën e tjetrit.
Sipas burimeve lokale, tabela ishte vendosur nga Myftinia e Shkodrës në kuadër të shqetësimeve për një çështje prone që, sipas komunitetit mysliman, i përket atyre. Heqja e saj është interpretuar nga shumë besimtarë si një veprim i panevojshëm dhe provokues nga ana e pushtetit vendor.
Ngjarja ka shkaktuar reagime të shumta, ndërsa Myftiu i Shkodrës, z. Muhamed Sytari, ende nuk ka dhënë një deklaratë publike, megjithëse mësohet se ai është takuar me kryebashkiakun Benet Beci për të diskutuar situatën.
Pritet që në orët në vijim të ketë qëndrime zyrtare nga të dy palët. Ngjarja ka hapur një debat të gjerë mbi raportet ndërmjet institucioneve vendore dhe komuniteteve fetare në qytetin e Shkodrës.
(Burimi: tesheshi.com)
