Ky lançim do të shërbejë për aktivizimin e aplikacioneve IoT nëpërmjet satelitit, mbledhjen e të dhënave nga vendet pa infrastrukturë ekzistuese dhe për komunikimin me sensorë në zonë të gjerë
Ankara
Sateliti IoT LUNA-1 i kompanisë turke ASELSAN në orbitën e ulët të Tokës u lançua në bordin e SpaceX Falcon-9, raporton Anadolu.
Përmes një postimi në platformën amerikane të mediave sociale X, ASELSAN theksoi se pas lançimit sinjalet telemetrike janë marrë nga stacioni tokësor në Ankara.
Ky lançim do të shërbejë për aktivizimin e aplikacioneve IoT nëpërmjet satelitit, mbledhjen e të dhënave nga vendet pa infrastrukturë ekzistuese dhe për komunikimin me sensorë në zonë të gjerë.
Gjithashtu do të ofrojë lidhshmërinë IoT me fuqi të ulët dhe jetëgjatësi të madhe si dhe për transmetimin e të dhënave me vonesë të ulët.
